Protesta të tifozëve për Murinjon

Adhuruesit e Çelzit kanë marshuar drejt stadiumit “Stamford Bridge”, me panfletë në duar në përkrahje të Hose Murinjos, i cili befasisht braktisi skuadrën.
Uebfaqja zyrtare e Çelzit bënë të ditur se largimi i
Murinjos ndodhi pas marrëveshjes së dyanshme me drejtuesit e skuadrës, por tifozët e Murinjos të cilët e quajnë portugezin si trajner të veçantë, kanë protestuar për kthimin e Murinjos në postin e trajnerit. Tifozët po ashtu kanë fajësuar pronarin Roman Abramoviç dhe shefin e ekzekutivit Piter Kenion për largimin e Murinjos. Ndërkohë drejtuesit e Çelzit kanë mbajtur sot konferencë për media, ku kanë promovuar trajnerin e ri Avram Grant dhe ndihmësin e tij Stiv Klark, mirëpo ende nuk është bërë e ditur nëse kjo marrëveshje është e qëndrueshme apo afatshkurtër.